شرح طريقة عمل : جاج مشوي ع القناني

الطريقه

من أبل بيوم بتنضفي الجاج وبتصفيها من المي منيح
بتعملي تتبيله الجاج
لبن
عصير ليمون
توم مهروس
ملح
بهارات مشكله
هال مطحون
زيت دره
صلصه بندوره
زنجبيل مطحون
رشه صغيره جوزه الطيب
فلفل اسمر
رشه قرفه مطحونه
معلقه بابريكا كبيره
وكل ما خليتهم اكتر طعم الجاج بيضل أطيب
تاني يوم بتجيبي قنينه قزاز وحطي فيها مي مع هال حب ورنجبيل فرش ازا عندك وورق غار
وحطي الجاجه فوقها
اهم شي صبايا لا تخلي تم القنينه يبين لأنه الهدف منها الجاجه تستوي من جوه من البخار الي في القنينه انا سكرتها من فوء بنكاشات أسنان
ولما تشوفي الجنحان بلشو يتحمرو جيبي قصدير ولفي الجاجه من فوء كرمال ما تاخد اللون الغامق زي المحروء وآخر شي ادهنيها زيت كرمال تلمع اكتر او زبده وصحه وهنا