بالصور طريقة عمل المسخن الفلسطيني + المقادير خطة خطوة

المقادي:-(عدد افرادي وزيادة حبة هع)

اوﻻ:-عجينة الصاج (انا خلطت 4كوب دقيق قمح مع 2كوب دقيق ابيض وعليهم معلقة صغيرة مليانة ملح ونص معلقة صغيرة خميرة كلهم عجنتهم بمية دافية حسب الحاجة وتكون العجينة طرية شوية.بس وريحيها 5دقايق.

2-قطعيها كور صغيرة حجم واحد .

3-اخلطي شوية دقيق قمح مع شوية دقيق ابيض علشان تفردي بيه العجينة.

4-تحملي العجينة بايديكي وتفضلي تلفيها عليهم يمين شمال لغاية متصير رقيقة خالص.

5-تكوني حاطة صاجة عنار حامية جدا فوق البوتجاز عادي بعدين تفردي العجينة عليه لغاية ما تحمر تقلبيه عالوش التاني يحمروهكذا لغاية ما يخلص المقدار ولو زادت عجينة مفيش مشكلة لفيها بنايلون وحطيها في التﻻجة بتعمليها بعدين مناقيش عالصاج او عالحلة الكهربا اي حاجة.والصور بتوضح كل حاجة.

نيجي للفرااااااااخ:-

1-اغسلي الفراخ كويس بالخل عشان الزفر.

2-في حلة عالنار مية مغلية عليها حبة لومي و3حبات هيل حب و3قرنفل مسمار و3ورق غارو5فلفل اسود حب وبصلة مقطعة 4 وعود صغير قرفة وملح وتسقطي عليهم الفراخ وتسيبيهم يغلوا

نص سوا علشان تسهل الموضوع واسرع

للوقت للوقت .

3-في الوقت ده تحضري طاسة كبيرة خالص

وتحطي فيها كوب زيت زيتون.

4-تقطعي 8حبات بصل شرائح او مكعبات حسب رغبتك وبتحطيه عالزيت على نار حامية مع التقليب لغاية ما يدبل ، بعد كدة بتضيفيله ملح وفلفل اسود وسماق مطحون، المسخن ميقولش للسماق ﻷ، وبتقلبيهم كويس لغاية ما ياخدوا في بعض الطعم واللون.

**متنسيش الفراخ شيليها وحطيها مع البصل شوية تكمل سوا بعدين شيليها وحطيها في صينية ورشي عليهاسماق وحمريها.

5-الان وقت التجمييييييع:-

1-بنجيب عيش الصاج الي خبزناه وببنحطه في شوربة الفراخ وبسرعة بنشيله وبنحط في وسطه معلقتين كبار خلطة البصل وفوقيهم حتة الفراخ ورشي شوية صنوبر لو عايزة.وبعدين لفيه واقلبيه عالوش التاني علشان يتحمر وكرري العملية للاخر.

2-ادهني وش كل حبة لفيناها بالزيت الي بيفيض بتديله نكهة.ودخليه الفرن تاني يتحمر.

3-بعد ما يخرج من الفرن حطي على كل وحدة كبشة شوربة صغيرة تطريه شوية.

رصيه في السرفيس وزينيه

الشيف أمل ام خالد