طريقة عمل طبق المجدره

انا بنقع الرز المصري تلت ساعه
وبغسل العدس منيح وبغليه مع مي وملح ١٠ دقايق بضل في قرشه شوي كرمال بده ينطبخ لسه مع الرز

لكل اربع كاسات رز كاسه وحده عدس حب
بعمل البصل شرحات بقليه مع زيت زيتون ع الحل مع شويه ملح ورشه بهارات
ليسير لونه بني بس ما ينحرء بضل احركه واهز بالقلايه كرمال كله ياخد لون بنفس الوقت
بصفيه من الزيت
الزيت نفسه بستخدمه لتقليب الرز ٣ دقايق وبعدين بحط العدس مع ميته الي غليته فيها ع العالي لتنشف المي شوي وع الواااااطي ليستوي وبعدين بريح الرز خمس دقايق كرمال يتفلفل اكتر مع بخاره

فيسبوك