افكار هدايا عيد الحب اللي ممكن تجيبها للبنت وازاي تقضي الفلانتين لعام 2014

مدونة صبايا الخير تقدم : اول حاجة لو فاضي من اول اليوم ممكن تطلعوا رحلة في اي قرية سياحية وعموما معظم القرى السياحية بتعمل عروض خاصة في عيد الحب ممكن يبدأ سعرها من 100 جنيه للفرد.



اما لو مشغول طول اليوم فممكن تحجز في اي مطعم شيك ويفضل يكون على النيل وخلافه يعني يمكن يضيف شوية رومانسية ويطري القعدة وممكن تيجي من البنت وهي اللي تحجز بداله لو يعني كان مطنش وعامل ناسي انه عيد الحب مهم.

* اهم حاجة لازم بوكيه ورد عليه القيمة وطبعا اللون الاحمر في الورد هو المفضل في عيد الحب او ممكن اعتبار الورد لوحده واحد من هدايا عيد الحب وبالنسبة لمعاني الوان الورد فاللون الأحمر بيخبرها بأنك تعد الأيام يا مسكين عشان  تقابلها مره ثانية ، اما الاحمر الغامق فده دليل على أنك بتشتاق لها  كثيراً ، والأصفر بيعبر لها عن مدى غيرتك عليها واللون الوردي بيدل  يبدل على نيتك فى إستمرار العلاقة وعلى مصداقية وعدك لها أما اللون الأزرق فيؤكد لها أنك ستبقى بجوارها حتى نهاية العمر.

* كمان من هدايا عيد الحب للبنت ممكن سلسلة من الدهب الابيض ويفضل الايطالي بيكون شكلها احلى واسعارها بتختلف حسب الوزن والحجم والاحجار الكريمة اللي فيها وغالبا بتكون في سلاسل خاصة كـ هدايا عيد الحب وبتعمل المحلات عليها عروض كمان في الفترة دي ، لكن لو عايز توفر عليك وعلى الدهب الصيني هو ارخص حاجة بالسوق وتقريبا بتبدأ اسعاره من 50 جنيه.
هدايا عيد الحب بيوم الفلانتين 2014

هدايا الفلانتين في يوم عيد الحب 2014

وطبعا هدايا عيد الحب كمان ممكن تكون علبة شوكلاتة فاخرة وهتلاقي كل محلات الحلويات عاملة بمناسبة عيد الحب علب شوكلاتة على شكل قلوب.

* البرفانات كمان والعطور واحدة من هدايا عيد الحب التقليدية صح موضتها بطلت بس تمشي .

* ممكن للاحتفال بالمناسبة دي تجيب تورتة خاصة على شكل قلب وباللون الاحمر مكتوب عليها بحبك او وحشتيني وانا اسف على التأخير الى اخره.

* كمان ممكن اعتبار اكسسورات البنات زي توك الشعر على شكل قلوب او علب مكياج ، جزمة ، شنطة.

لو خلاص زنقت ما عليك الا تجيب هدية عيد الحب دبدوب احمر ومعاه علبة شوكلاتة او حتى مش معاه حاجة وكام وردة.

او اخرتها اختفي قبل عيد الحب بكام يوم وبعد عيد الحب كمان وابعت رسائل عيد الحب او ايميل وكارت او اس ام اس بمناسبة عيد الحب وكل سنة وانتم طيبين Happy Valentine’S day

المصدر : وكالات 

إرسال تعليق

0 تعليقات