اسهل طريقة لغسل الاطباق والمواعين شوية نصائح حلوين

تنظيف البيت من صبايا الخير:شايله هم المواعين وغسيل الاطباق تعالي فيه شوية نصائح حلوه من مدونة بيتي مملكتياسهل طريقة لغسل الاطباق والمواعين شوية نصائح حلوين, نصائح للتخلص من كابوس غسيل المواعين
اسهل طريقة لغسل الاطباق والمواعين شوية نصائح حلوين

 نصائح للتخلص من كابوس غسيل المواعين
غسيل الأواني أو المواعين كابوس بعض النصائح من عندي للتغلب علي هذه المشكله و تحويلها لمهمه سهله 
١- اول حاجه ما تخليش حاجات كتير للاستعمال يعني خللي في المطبخ مثلا كوبايتين للشاي كوبايتين للماء يعني علي حسب العدد الكافي للاستخدام لمره واحده  و شيلي الباقي في دولاب مقفول نفس الكلام علي الأطباق و المعالق خللي الكميه الكافية لاستخدام واحد أو مره و نص و شيلي الباقي ،، ده حيخليكي لما تحتاجي كوبايه حتغسلي واحده بسرعه و تستخدميها بدل ما تلاقي علي اخر اليوم ١٠ كوبايات أو الأولاد يستسهلوا و يسحبوا كوبايه كل شويه
٢ - و انتي بتطبخي اول بأول اغسلي الحاجات اللي بتستخدميها خصوصا الحاجات السهلة يعني طبق غسلتي فيه الرز اشطفيه و شيليه علي طول لو سبتيه حيتبهدل مع باقي الحاجات في الحوض و حياخد مكان و يصعب عليكي المهمه
٣ - و انتي مثلا بتسلقي مكرونه العشر دقائق دول تقدري تغسلي فيهم كميه كتير فاستغلي الوقت و خللي المواعين اول بأول  
٤- لو عندك كميه مواعين اغسلي الأول الكوبايات و الأطباق الزجاجيه و بعدين الحاجات السهلة الكبيرة حتلاقي الحوض نزلت المواعين فيه لنص الكميه بسرعه و ده حيشجعك انك تخلصي و حددي لنفسك مثلا ربع ساعه و حاولي تخلصي فيها
٥ - لما تخلصوا غداء لمي الأطباق و بمنديل ورقي امسحيهم بسرعه علشان تشيلي آثار الطبخ و بعدين اغسليهم ، لو قررتي تتاخري شويه و نزلتي و حتسيبيهم امسحيهم و ممكن تشطفيهم بسرعه بالميه و سيبيهم مترتبين فوق بعض في الحوض أو جنب الحوض لحد ما ترجعي و تغسليهم و حتحسي ساعتها ان غسيلهم سهل جدا
٦- اخر حاجه لو المواعين دهونها تقيله استعملي الميه السخنه في غسيلها بتسهلها كتير و لو مقلايه أو حله حطي. فيها شويه ميه و نقطتين من ساءل غسيل الأطباق و سخنيها علي النار لحد ما تغلي و بعدين اغسليها حتنضف بسرعه جدا
بقلم : بيتي مملكتي

إرسال تعليق

0 تعليقات