الخميس، 1 نوفمبر، 2012

طريقة تنظيف البراد الاستنلس عن تجربة شخصية افضل الطرق

طريقة تنظيف البراد الاستنلس عن تجربة شخصية افضل الطرق


الحكايه بقى في البراد الستانلس اللي بيتحرق وبعد ما كان زي الفضه بيبقى زي الصفيح المصدي

البراد بتاعي النهارده بقى كان محروق لا وكمان مركون ومصدي وحالته بالبلا




واحكيلكم ليه 



ما تتفضلوا شوفوا الصور

ده صوره البراد اللي مال حاله بدري بدري ياعيني 


وهنا صوره ليه من جوا  



المهم بقى قريت على وصفات كتير منها اريال وملح ليمون وكلور واللي يقول مفيش فايده اصلا

المهم بقى لقيت حاجه كده شدتني
الا وهيا

الــــــــكـــــــــركــــــــديـــــــــه

فقلت انا حجرب طريقه الكركديه ده

وجبت البراد ومليته مايه وحطيت فيه حبه كركديه وغليته وطفيت وسيبتهم شويه وبعدين جبت طبق كبير غويط ودلقت المايه وحطيت البراد فيه

لكن علشان برضه اشوف الافتكاسات حطيت نص البراد في المايه علشان اعرف الاختلاف
المهم بعد ساعتين دخلت كده ابص بصه وبرفع البراد لقيت فرق رهيييييييب
 
بصوا كده ومعلش الصور مش باينه قوي بس انا عامله سهم على الخط الفاصل بينهم


وبعدين جبت جردل كبير وحطيت فيه المايه والمره ده غطست البراد وكان جنبي الكلور قلت لما احط عليه شويه صغننين برضه اهم يعملوا اي شغل

وسيبته لتاني يوم منقوع وتاني يوم يادوب طلعته ودعكته بالسلكه دعكه خفيفه وشطفته واليكم العريس بعد ما نضف

تاتاتاتااااااااااااااا
  






وهنا من جوا
  


 
ان شاء الله تكون التجربه عجبتكم


منتدي فتكات

0 التعليقات:

إرسال تعليق

نسعد بردودكم ومشاركتكم برفقتنا ، ومن خلالها تدعم استمرار العطاء ، ننتظر ردودكم المشجعة ، وننتظر تعليقكم اللائق بكم

Related Posts Plugin for WordPress, Blogger...