11

السبت، 25 أغسطس، 2012

مجرب : طرق تخزين الخضار ( الباميه -- الملوخيه الخضراء -- السبابخ )

مجرب : طرق تخزين الخضار ( الباميه -- الملوخيه الخضراء -- السبابخ )
أولا طريقة تخزين الملوخيه الخضراء

أول شىء لازم تغسلى الملوخيه كويس وتسيبيها تتنشف كويس وبعدين تقطفيها بعد كده
تفرميهاوتكونى وضعتى شوية ماء بسيطه تغلى على النار
بحيث لما تضعى الملوخيه المفرومه فيها ما تكون سايبه تكون يابسه نوعا ما

علشان كتر الماء فيها حتخليها تعمل تلج ولونها حيتغير
بعد كده ما تخليهاش تغلى لا . يادوب فوره واحده وتنزليها عن النار
علشان لونها ما يتغيرش وممكن تحطى بدال الماء شوربه او مكعب مرقه مع الماء
تسيبيها تبرد خالص وتغلفيها وتوضع بالفريزر
لما تيجى تتطبخيها تخرجيها من الفريزر بدرى يعنى بعد ما تفك من التلج ودى نقطه مهم جدا تاخدى باللك منها


طريقة تخزين الباميه

طبعا اول شىء تغسليها وتسيبيها شويه تتصفى بعدين تقلميها
تكونى حطيتى كميه من الماء على النار تغلى
وتحطى فيها الباميه بعد الغليان
تسبيها دقيقه واحده يعنى فوره واحده بس علشان لونها ما يتغيرش
تصفيها فى مصفاه واسعه وتتركيها تبرد خااااااااااااااالص
بعدين تقسميها فى أكياس حسب الكميه المطلوبه لكل طبخه
ولما تيجى تطبخيها مش لازم تسيبيها تفك ممكن تحطيها تفك على البخار مع التسبيكه بناعتها
وبعدين تضيفى الشوربه


طريقة تخزين السبانخ


هى هى نفس طريقة الباميه
لكن تقطع أولا ثم تغسل جيدا وتصفى
تكونى وضعتى كميه كافيه من الماء على النار تغلى
تضيفى لها السبانخ المقطعه وبرضو فوره واحده علشان تدبل بس
وتصفيها علطول قبل لونها ما يتغير فى مصفاه واسع وتفرديها وتسيبيها تبرد خااااااااالص
وتقسميها فى أكياس حسب الكميه المطلوبه وتوضع فى الفريزر
ولما تيجى تتطبخيها مش لازم تسيبيها تفك ممكن تحطيها على البخار مع التسبيكه بتاعتها
وبألف هنا
علشان تكون نتايج التخزين مظبوطه لازم تكون الفريزر نوفروست
الفريزر العادى يتلف اى خزين

والله يابنات انا بخزن كل الخضار بنفس الطريقه بدون أى اضافات والنتيجه مزهله
الخضار بيكون وكأنه طازج لسه جى من السوق
جربوا وادعولى ربنا يباركلى فى جوزى وأولادى

0 التعليقات:

إرسال تعليق

نسعد بردودكم ومشاركتكم برفقتنا ، ومن خلالها تدعم استمرار العطاء ، ننتظر ردودكم المشجعة ، وننتظر تعليقكم اللائق بكم

Related Posts Plugin for WordPress, Blogger...